Direktør Naaja H. Nathanielsen
Pinerluttunik Isumaginnittut suliassaat anguniagaallu

Kalaallit Nunaanni Pinerluttunik Isumaginnittut pinerluttulerinermik inatsit naapertorlugu pingaarnertut anguniagaraat pinerlunnerup killilersimaarnissaanut peqataanissaq. Anguniagaq taanna eqqartuussiveqarnermut tamarmut atuuppoq – tassalu politiinut, unnerluussisunut, eqqartuussivinnut Pinerluttunillu Isumaginnittunut.

Pinerluttunik Isumaginnittut suliassaraat pineqaatissiissutit naammassinissaat nakkutilliinikkut, inuiaqatigiinni sulisitsinikkut, inissiisarfimmiisitsinikkut tigummigallaanikkullu. Tamakku saniatigut inissiisarfinni tigummigallakkat aqunneqarput eqqartuussisoqarnermilu inatsit naapertorlugu inunnik misissuinerup ingerlannissaa.

Inissiisarfinnik aqutsisoqarfimmi inissiinissamik tigummigallaanissamillu pineqaatissiissutit naammassineqartussaapput kiisalu tigummineqartut aqunneqarlutik nakkutilliinerup isumannaatsuunerullu pisariaqartumik ataannarnissaat tunaartaralugu, aammali inissinneqartut tapersersorlugit kaammattorlugillu inuttut ineriartornissaat sulissutigalugu inuunermullu pinerlunneqanngitsumut ineriartornissaat siunertaralugu.

Aamma taamatut Pinerluttunik Isumaginnittut ammasumiittut iniaqatigiinni sullissinissamik nakkutigineqarnissamillu pineqaatissiissutit naammassisussaavaat tamakkiisumik anguniakkat siuliani pineqartut malillugit.

Inissiisarfinnik aqutsisoqarfik pillugu uani atuarsinnaavutit: Inissiisarfiit

Pinerluttunik Isumaginnittut ammasumiittut pillugit uani atuarfinnaavutit: Pinerluttunik Isumaginnittut ammasumiittut

Saqqummersitat assigiinngitsut uani atuarsinnaavatit: Saqqummersitat

Aaqqissuussaaneq

Pinerluttunik Isumaginnittut Danmarkip naalagaaffiata ataaniipput inatsisinik atortitsinermut ministeriariap ataani Direktoratet for Kriminalforsorgenip ataaniilluni. Kalaallit Nunaanni Pinerluttunik Isumaginnittut ulluinnarni sulinerminni suliffeqarfittut namminersortutut ingerlapput suliassaqarfimminni sutigut tamatigut suliaminnut piginnaassuseqarlutik. Kalaallit Nunaanni Pinerluttunik Isumaginnittut aqutsisui pinerluttulerinerimi inatsit naapertorlugu suliassaqarfinni arlalissuarni pineqaatissiissutit naammassineqarnissaannut maleruagassanik aalajangersaasinnaapput maannamullu nalunaarutit 31-it suliarisimallugit.

Kalaallit Nunaanni Pinerluttunik Isumaginnittut Kalaallit Nunaanni Pinerluttunik Isumaginnittut pisortaanit aqunneqarput kingulianilu aaqqissuussaanerup titartarnera takuneqarsinnaavoq.

Pinerluttunik Isumaginnittut aaqqissuussaanerat