KiF

Pinerluttunik Isumaginnittut ammasumiittut
Pinerluttunik Isumaginnittut ammasumiittut: Nakkutilliineq, inuiaqatigiinni sullissineq inunnillu misissuinerit 

Pinerluttunik Isumaginnittut ammasumiittut immikkut ittunik suliassaqarput tassalu katsorsartinnissamik, nakkutigineqarnissamik misiligummik iperagassatut pineqaatissinneqarsimasunik nakkutilliisussatut. Tamatuma saniatigut Pinerluttunik Isumaginnittut ammasumiittut nakkutigaat inuiaqatigiinni sullissisussatut pineqaatissinneqartup naammassinissaanut aalajangersakkat malinnerai soorlu aamma Pinerluttunik Isumaginnittut ammasumiittut akisussaaffigalugu inuiaqatigiinni sullissiffissat naammannissaat. 

Pinerluttunik Isumaginnittut ammasumiittut aamma akisussaaffigaat inunnik misissuinerit eqqartuussiviit pineqaatissiinissaminnut tunngavissaasa ingerlanneqarnissaat. 

Aamma Pinerluttunik Isumaginnittut ammasumiittut akisussaaffigaat unnerluussisup atugassaanik oqaaseqaateqarnissaq annertuumillu suleqateqassallutik ingammik kommuninik napparsimmavinnilu tarnip nappaataannut immikkoortortanik. 

Pinerluttunik Isumaginnittut ammasumiittut illoqarfinni Ilulissani, Aasianni, Sisimiuni, Maniitsumi, Nuummi, Qaqortumi Tasiilamilu allaffeqarput taakkulu saniatigut illoqarfinni mikinerni nunaqarfinnilu arlalinni aallartitaqarlutik nakkutilliisoqarlutillu. Pinerluttunik Isumaginnittuni ammasumiittuni ataavartumik sulisut 17-iupput 50-t missaanni aallartitaqarlutik, nakkutilliisoqarlunik inunnillu misissuisartoqarlutik. 

Pinerluttunik Isumaginnittut ammasumiittut pillugit uani atuarsinnaavutit: