Inissiisarfimmi paarsisumut ilinniarneq
Inissiisarfimmi paarsisumut ilinniarneq
Pinerluttunik Isumaginnittuni inissiisarfimmi paarsisut 70-it missaanniipput. Inissiisarfimmi paarsisunngorniaraanni inissiisarfimmi paarsisunngorniarnermut ukiuni marlunni ilinniartariaqarpoq. 

 

Ilinniarneq sungiusarnertaqarlunilu atuagarsornertaqarpoq. Ilinniarneq pillugu kinguliani annerusumik paasiniaasinnaavutit.

Ilinniarneq pillugu paasissutissat
Inissiisarfimmi paarsisumut ilinniarneq ukiunik marlunnik sivisussuseqarpoq misiligummillu atorfilittut atorfinitsinneqassaatit. Ilinniarneq naammaginartumik naammassisimagukku ukiut marluk sulereerlutit atorfinitsivinneqassaatit. 

Inissiisarfinni arfinilinni Ilulissani, Aasianni, Sisimiuni, Nuummi, Qaqortumi Tasiilamilluunniit atorfinissaatit inissiisarfinnilu paarsisunit misilittagaqarluartunit ulluinnarni suliassanik ilinniartinneqassallugit. 

Atorfininninnut atatillugu sulinermik sungiusaasumut attavilerneqassaatit taassumalu ilinniarnerit tamaat ikiussavaatit. Inissiisarfimmi paarsisutut ilinniarninni marloriarlutit Nuummiissaatit sapaatit akunnerini 7-8-ni. Ukioq ataaseq allortarlugu atuagarsornermik ilinniartitsineq ingerlanneqartarpoq. 

Ilinniarnerup ingerlanerani aamma inissiisarfimmi allami atorfieqarfinnit allaanerusumi qaammammi ataatsimi sungiusassaatit. 

Qanoq ittuunissannut takorluukkat
Inissiisarfimmi paarsisutut atorfinissinnaassaguit takorloorparput:

  • 21-nik ukioqartutit 
  • inatsinik maleruaasuusutit 
  • marluinnik oqaaseqartuusutit qallunaatut pikkorillutit 
  • attaveqarnissamut pikkorissuusutit 
  • aalajaatumik suliartortuartassasutit 
  • inuunermi misilittagaqartutit 
  • inersimarpalaartumik pissuseqarsinnaasutit 
  • timikkut pitsaasumik inissisimasutit 
  • ilinniarnissamut piginnaasaqarluartuusutit 

 Naammaginartunik angusaqarlutit meeqqat atuarfiat naammassisimassavat, ajornanngippat suliffigisimasanik assigiinngitsunik misilittagaqarlutit, piumassutsinnik sulisimallutit, højskolersimallutit allatigulluunniit misilittagaqarlutit.

Imatut qinnuteqarsinnaavutit
Inissiisarfimmi paarsisutut qinnuteqarnissannut tikilluaqqusaajuarputit

Sulilernissamut immersugassat immersorsinnaavvat qullersaqarfimmullu nasisullugu (qinnuteqarnissamut immersugassamiippoq nassiussiffissaq).

Qinnuteqarnissamut immersugassaq uani aasinnaavat: Qinnuteqarfissat.docx