Inissiisarfik pillugu:
Nuummi pineqaatissinneqarsimasunut inissiisarfimmi sulisut 38-vugut: Inissiisarfimmi pisortaq, inissiisarfimmi paarsisut, isumaginninnikkut siunnersortit, perorsaanikkut ikiortit aammalu timelæreremik inissiisarfinni ilinniartitsinissamik neqeroorsinnaasumik attaveqarpugut.
Inissiisarfimmi inissinneqartunut 66-inut inissaqarpoq.
Attaveqarfiginiarutsigut uani takusinnaavat: Attavigisigut
Inissiisarfimmiinnermi malittarisassat:
Inissiisarfimmiinnermi assigiinngitsunik malittarisassaqarpoq apeqqutaalluni tigummineqarnersutit (suli eqqartuunneqarnak) imaluunniit pineqaatissinneqarsimanersutit. Uanili takusinnaavat ulluinnaat qanoq ingerlasarnersut:
07.00: Takkunneq (akunnerup naanerani nalliuttunilu nal. 08.00)
08.00-16.00: Sulineq
11.30 – 12.30 ulloqeqqasiorneq
17.00-17.30: Unnukkorsiorneq
21.30: Ineeqqanukarneq
Nerisaqarneq immikkut:
Inissiisarfimmi iggaveqarpoq inissiisarfimmiittunut ullaakkorsiutinik, ulloqeqqasiutinik unnukkorsiutinillu isumaginnittumik.
Taassuma saniatigut inissiisarfimmiittut marlunngornerit tamaasa Brugsenimit pisiassaminnik inniminniisinnaapput, pisiallu pingasunngornikkut arfininngornikkullu pajugutineqartarput.
Oqarasuaat immikkut:
Immikkoortortami sorlermiinnersutit apeqqutaalluni oqarasuaammik aningaasanik nakkaatitsivilimmik atuisinnaavutit imaluunniit oqarasuaammik angallattakkamik attartorlutit. Inissiisarfimmiinnermi namminerisamik oqarasuaammik angallattakkamik peqartoqarsinnaanngilaq.
Pulaarteqarnissaq immikkut:
Imaalinerani pulaarteqarsinnaavutit:
Ataas.-tall.: 14.30 – 20.30
Akunnerup naanerani nalliuttunilu: 10.00-20.30