Pineqaatissiineq ilaqutariinnut tamanut sunniuttartoq ilaqutaasutut misinnartarpoq. Amerlaqisut misigissuserpassuarnik eqqugaasarput inullu pineqaatissinneqarsimasoq pillugu Pinerluttunik Isumaginnittunik oqaloqateqarnissamik pisariaqartitsisoqarsinnaasarluni. Pinerluttunik Isumaginnittut nipangiussisussaatitaapput, sullitamillu inuttut atugaat pillugit inunnik allanik oqaloqateqarsinnaanatik – allaammi sulisunit oqaatigeqqusaanngilaq inuk pineqartoq Pinerluttunik Isumaginnittunit sullinneqarnersoq. Tamannalu akueriuminaassinnaagaluartoq qanigisatit pillugit Pinerluttunik Isumaginnittut sulisuinit paasissutissanik pissarsinissat naatsorsuutigissanngilat.
Qanigisat sumiinnersoq nalorniguit Pinerluttunik Isumaginnittut qullersaqarfianut allassaatit. Inuk inissiisarfitta ilaanni inissinneqarsimappat allakkatit ingerlateqqissavagut, allagarli tunniunneqarsimanersoq akissutisisinnaanngilat.
Inissiisarfimmiittoq pulaarniarukku inissiisarfik attavigissavat qinnuteqarfigalugulu. Pulaarnissannut itigartinneqarsinnaavutit inissiisarfimmi sulisut naliliippata pulaarnissat isumannaatsuunissamut atatillugu illersorneqarsinnaanersoq, assersuutigalugu illit siusinnerusukkut annertuumik pinerluuteqarsimallutit pineqaatissinneqarsimaguit.
Aamma allakkat poortukkallu qanigisannut nassiussinnaavatit, maluginiassavalli allakkat portukkallu sulisut isigitillugit ammarneqassammata pigisaqartorlu inissiisarfimmut nassiussinnaanngisannik pulaarninnilu nassarsinnaanngisannik.
Pulaarnermi nassataqarsinnaanngilatit misissorneqarsinnaanngitsunik imaluunniit inissiisarfimmi iterteqqutaasunik. Tassaasinnaapput oqarasuaatit angallattakkat, sakkut, nakorsaatit, qarasaasiat assigisaallu. Inissiisarfimmiittumut aningaasanik tunisiniaruit aningaasat inissiisarfimmi sulisunut tunniutissavatit. Soorunami tigunerinut uppernarsaaserneqassaatit.
Pulaarnissamut piffissat pillugit paasiniaaneq assigisaallu inissiisarfinnut ataasiakkaanut paasiniassavat.
Erseqqissaassutigissavarput maannakkuungallartoq illumi malittarisassat aaqqissuuteqqinneqarmata, naatsorsuutigineqarlunilu 1.august 2019 aaqqissuuteqqinneqarneri nammassissasut. Malittarisassanut maannakkumut atuuttunut apeqqutissaqaruvit, ilinnut imaluuniit ilaquttannut tunngassuteqartumik, Anstaltimi inissisimaffigisannut apeqqutissaqarsinnaavutit.
Pulaarnissamut piffissat, atisanik, aningaasanik allanillu tunniussisinnaaneq pillugu paasisaqarusukkuit inissiisarfinni ataasiakkaani paasiniaasinnaavutit:
Aasiannit pineqaatissinneqarsimasunut inissiisarfik
Ilulissani pineqaatissinneqarsimasunut inissiisarfik
Nuummi pineqaatissinneqarsimasunut inissiisarfik
Qaqortumi pineqaatissinneqarsimasunut inissiisarfik