Pinerluttunik Isumaginnittut Ammasumiittut katsorsartinnissamik eqqartuunneqartunik, nakkutigineqartussatut eqqartuunneqartunik misiligumillu iperagaasunik nakkutilliinissamik immikkut suliassaqarput. Tamatuma saniatigut Pinerluttunik Isumaginnittut Ammasumiittut nakkutigisussaavaat inuiaqatigiinni sullissinissamik eqqartuunneqartut ineriartornissamik aalajangersakkanik eqquutsitsinissaat, soorlu Pinerluttunik Isumaginnittut ammasumiittut inuiaqatigiinni sullissinissaminnut pineqaatissinneqartut naammattunik sullissiffissaqarnissaat aamma akisussaaffigalugu.
Pinerluttunik Isumaginnittut ammasumiittut akisussaaffigaattaaq inunnik misissuinerit eqqartuussiviit pineqaatissiissummik qanoq ittumik toqqaanissaminnut atugassaasa suliarinissaat.
Pinerluttunik Isumaginnittut ammasumiittut aamma suliassaraat unnerluussisumut oqaaseqaatissanik suliaqarnissaq ingammillu kommuninik tarnillu pissusaanik katsorsaasunut annertuumik suleqateqarnissaq.
Pinerluttunik Isumaginnittut ammasumiittut illoqarfinni Ilulissani, Aasianni, Sisimiuni, Maniitsumi, Nuummi, Qaqortumi Tasiilamilu allaffeqarput tamatumalu saniatigut illoqarfinni mikinerusuni nunaqarfinnilu aallartitaqarlutillu nakkutilliisoqarlutik. Pinerluttunik Isumaginnittut ammasumiittut suliassaqarfiani ataavartumik suliffeqartut 17-iupput, 50-illu missaannik aallartitaqarlutik, nakkutilliisoqarlutik inunnillu misissuisartoqarlutik.
Pinerluttunik Isumaginnittut ammasumiittut pillugit uani paasiniaagit: Inuiaqatigiinni sullissinissamik nakkutigineqarnissamillu eqqartuunneqarpunga.