Kalaallit Nunaanni Pinerluttunik Isumaginnittut Kalaallit Nunaanni Parnaarussiveqarfinngussapput
Atermik allanngortitsineq pinerluttulerinermi inatsisip allanngortinneqarnissaanut takkuttussamut atatillugu 2026-imi aasakkut atuutilernissaa naatsorsuutigineqarpoq.
Kalaallit Nunaanni Pinerluttunik Isumaginnittut atiat Kalaallit Nunaanni Parnaarussiveqarfinnut allanngortinneqassaaq – qallunaatut Grønlands Fængsler.
Danmarkimi kriminalforsorg-ip aqqata Danmarks Fængsler-imut allanngortinneqarneranut uiggiullugu atip allanngortinneqarnera pissaaq.
Kalaallit Nunaanni ateq nutaaq Naalakkersuisut qanittumik oqaloqatigalugit aalajangerneqarpoq, tassani kalaallisut atermik nassaarnissaq kiisalu oqaatsitigut killissarititaasut ullumikkumut naleqquttunngortinneqarnissaat pilersinniarlugu taaguutip inissiisarfiup qimanneqarnissaa, ilaatigut kissaatigineqarsimavoq. Atermik allanngortitsineq pinerluttulerinermi inatsisip allanngortinneqarnissaanut takkuttussamut atatillugu 2026-imi aasakkut atuutilersinneqarnissaa naatsorsuutigineqarpoq.
Suleqatigiiffiup atuuffiata erseqqinnerlulernissaa kiisalu paasineqarsinnaanerulernissaa, atermik allanngortitsinerup erseqqissassagaa, Kalaallit Nunaanni Pinerluttunik Isumaginnittut pisortaata Christian Høygaardip neriuutigaa:
– Ateq nutaaq nuannaarutigaara. Ilaatigut ateq kalaallisut oqaatsit atorlugit eqqarsaatigineqarpoq aamma akornutitaqanngitsumik qallunaatut nutserneqarsinnaalluni, illuatungaanili ullumikkut qallunaat atiat nutsigaavoq, aamma kalaallisut tiguneqarluarsimanani. Kalaallit kissaateqarnerisigut Ilaatigut taagut “inissiisarfiit” ullumikkumut naleqqunnerusumut aamma malugiinnarluni ajornannginnerusumik paasineqarsinnaasumik allanngortinneqassaaq.
Pineqaatissiinerit imaannut tunngasumik atip allanngortinneqarnera allannguutinik kinguneqassanngilaq, Christian Høygaard oqarpoq.
Pingaarnertut atip saniatigut Kalaallit Nunaanni Parnaarussiviit ataanni sullissiviit ataasiakkat aqqi aamma allanngortinneqassapput. Tamatuma saniatigut qullersaqarfiup aqqa Kalaallit Nunaanni Parnaarussiveqarfinnut Qullersaqarfimmut allanngortinneqassaaq – qallunaatut Hovedkontoret for Grønlands Fængsler.
Pineqaatissiinerit imaannut tunngasumik atip allanngortinneqarnera allannguutinik kinguneqassanngilaq.
Pinerluttulerinermi inatsisip allanngortinneqarnissaanut takkuttussamut atatillugu atip allanngortinneqarnerata atortuulersinneqarnissaa naatsorsuutigineqarpoq.
Kriminalforsorgen i Frihed-imi massakkut inissiisarfiit aamma immikkoortortaqarfiit aqqi, aqqit allanngortinneqarnerisa kingorna tulliuttutut ateqalissapput:
- Nuummi Parnaarussivik (Fængslet i Nuuk)
- Aasianni Parnaarussivik (Fængslet i Aasiaat)
- Ilulissani Parnaarussivik (Fængslet i Ilulissat)
- Qaqortumi Parnaarussivik (Fængslet i Qaqortoq) Sisimiuni Parnaarussivik (Fængslet i Sisimiut)
- Tasiilami Parnaarussivik (Fængslet i Tasiilaq)
- Nuummi Pinerluuteqarsimasunik Nakkutilliinermik Immikkoortortaqarfik (Tilsynsafdelingen i Nuuk)
- Aasianni Pinerluuteqarsimasunik Nakkutilliinermik Immikkoortortaqarfik (Tilsynsafdelingen i Aasiaat
- Ilulissani Pinerluuteqarsimasunik Nakkutilliinermik Immikkoortortaqarfik (Tilsynsafdelingen i Ilulissat
- Qaqortumi Pinerluuteqarsimasunik Nakkutilliinermik Immikkoortortaqarfik (Tilsynsafdelingen i Qaqortoq)
- Sisimiuni Pinerluuteqarsimasunik Nakkutilliinermik Immikkoortortaqarfik (Tilsynsafdelingen i Sisimiut)
- Tasiilami Pinerluuteqarsimasunik Nakkutilliinermik Immikkoortortaqarfik (Tilsynsafdelingen i Tasiilaq)
Suliarineqartussat ilaai suliakkiissutigeqqineqarsinnaapput
Oktober 2021-mi Eqqartuussiviit Qullersaat (Højesteret) aalajangiivoq Qallunaat Nunaanni Pinerluttunik Isumaginnittoqarfiup isersimatitaq eqqunngitssumik pillaannilluni inisiivimmut (strafcelle) inisissimmagaa (Kalaallit Nunaanni taaguutigaa “kisimiittusatut inissiisarfik” (“enrumsan-bringelse”).
Eqqartuusiviit Qullersaata aalajangiinnermini naqissuserpaa, Qallunaat Nunaanni Pinerlutunik Isumaginnittoqarfik ileqqorissaarnissamik peqqussutunik malititssinermini kukkusumik ingerlatsseriaaseqartoq. Tassa isumaqarpoq, ileqqorissaarnissamik peqqussut malillugu suliani arlaqartuni eqqunngitsumik pinneqaatissinnneqartarsimasut. Eqqartuussiviit Qullersaata aalajangineerata kingunerisaanik Qallunaat Nunaanni isersimatitaq aammalu siornatigut isersimatitaanikoq sulias-sanngortitseqiinissamik periarfissaqalermat.
Eqqartuussviit Qullersaanni aalajangiineq aamma Kalallit Nunaanni atuuttusaatinneqarpoq
Kalallit Nunaanni pineqaatissiissutit naammasitinneqartarnerat Qallunnaat Nunnaanni pineqaatissisutit naammassitinneqartarnerannit allaanerungaluartoq, Kalaallit Nunnaanni tassunga tunngatillugu peqqussutit Qallunaat peqqussutaannut assersuunneqarsinnaasar-put. Taamaattumik Kalaallit Nunaanni isersimatitatut ileqqorissaarnisanik peqqusutinik pinerluttullerinermut inatsit malillugu politiinut suliakkiuneqaraluarluni eqqartuusivitigut pineqaatississumik kinguneqartinneqanngipat pineqatissiissut suliakkiissutigineqaqqissin-naavoq.
Tassani pineqarput Kallaallit Nunaanni Pinerluttunik Isumaginnittoqarfiup pinerluttulerinermut inatsit § 226 immik. 1, nr. 4 (pinerluttulerinermik inatsimik unioqqutitsineq) tassunngalu ingiaqatigitillugu politiinut unnerluutigineqarpat ileqqorissaarnissamik peqqussut atorlugu pineqaatissiippat, kisiannilu suliaq pineqartoq politiinut suliakiutaasimagaluartoq eqqartuusisoqarfimmit pineqaatisiissumik kinguneqartinneqanngippat. Assersuutigalugu unnerluusisusaatitaasup unnerluussut pineqartoq tunuartissasoq qinerpagu (unnerluusinissamik taamaatitsineq). Taamatut pi-soqartillugu isersimmatittaq imaluunniit siornatigut isersiatitaasimasoq suliiakkissuteqaq-qinnisaminik periarfissaqarpoq.
Isersimatitaq siornatigulluunniit isersimaitaassimassoq suliamik nagitsinissamik taarsivigi-neqarnissamilluunit qinnuteqaateqassaguni, qinnuteqaat isertitsivimmut isertitsivimmii-figisaminut ingerlatissavaa. Isertitsivik matuneqarsimappat qinnuteqaat Kalallit Nunaanni Pinerluttunik Isumaginnittoqarfip Qullersaqarfia, Kriminalforsorgens Hovedkontor i Grønland allassaaq uunga ingerlatillugu jurist@krfo.gl .
Taarsiiffigineqarnissamik periarfissat
Suliap suliakkiisutiginneqaqqinerata kingunerisaanik tamakiissumik ilaannaakuusumillunniit inernilerneqassagaluarpat, ileqqorissaarnissamik peqqusutinik unioqqutitsinermik pineqaatitsiissut tasumaluunniit ilaa pisuussuteqangitsumut pillaatsisiinertut isigineqalissaaq, taanna-u aallavigalugu isersimatitaq suliami aallaaviitut taarsiiffigineqasaaq. Periarfissaqartillugu taartisiassat aningasanngornagit, kisianilu pinerluttulerinermi inatsisip pequssutaanik unioqqutitsinermi pillaatissiisutaasup sivikillineqarneranik kinguneqartinneqartassapput.
Tunngaviusumik unnerluusuutip aalaajangiifiginneqaneranit kingusinnerpaamik ukiut pingaasut qaangiutsinnagit taarsivigineqarnissamik qinnuteqaat tunniunneqasimappat aatsaat taarsiinermik kinguneqartinneqarsinnaavoq, piumasaqaat ukiut pingasut qaangiunneranni pisoqalissammat.
Ukiut qulit matuma siorna kingusinnerusukkulluunniit kisimiittussatut innissiisarfimmiissimaaneq (enmandsrum) naammassineqarsimmappat suliaq pinngitsoorani pisoqaalivallaarsimassaaq.
Pisuussuteqarnani pillaatissinneqarsimanermi tarsiiffigineqarnisamik qinnuteqarsinnaanermik piffissaliineq 9. novemberi 2022 naassaaq.