Kalaallit Nunaanni Pinerluttunik Isumaginnittut tamakkiisumiik 120-nik sulisoqarput, illoqarfinnut arfineq marlunut agguataarsimasunik, inuillu 50-it attuumassuteqarlutik, akunnermusiaqarlutik sulisarlutik. Taakku nunatsinni tamarmi atorfeqarput.
Sulisut amerlanersaat inissiisarfinni nakkutilliisuupput. Tamatuma saniatigut aamma isumaginninnermi siunnersorteqarpugut, sammisaqarnissamut siunnersorteqarluta, timelærereqarluta, allaffimmi sulisoqarluta, inatsisileritooqarluta, igaffimmi sulisoqarluta ikiorteqarlutalu.
Pinerluttunik Isumaginnittut aamma ilinniarfissaapput. Inissiisarfinni nakkutilliisut nammineq ilinniartittarpavut.
Suliffeqarfik pillugu
Pinerluttunik Isumaginnittut pingaarnertut marlunnik suliassaqarput; eqqartuussutit naammassineqarnissaannut nakkutilliinerup isumannaatsuunerullu pisariaqartup isumaginissaa kiisalu innuttaasut attaveqarfigisatta inuunermik pinerluuteqarfiunngitsunik inuunissaannut tapersersorlugillu kaammattornissaat.
Pinerluttunik Isumaginnittut innuttaasut eqqartuunneqarsimasut taassuma naammassinissaanut isumagissavaat. Tamanna nakkutilliinikkut, inuiaqatigiinni sullissinikkut, inissiisarfimmi inissinneqarnikkut paarineqarnikkulluunniit pisinnaavoq.
Pinerluttunik Isumaginnittut aamma poltiit inissiisarfinni tigummigallagai aquttussaavaat inatsisilerinermilu inatsit malillugu inunnik misissuineq ingerlattussaallugu.
Pinerluttunik Isumaginnittut Danmarkimi naalagaaffiup allaffissornerata ilagaa Pinerluttunillu Isumaginnittut Pisortaqarfiup Inatsisinik atuutsitsinermut ministereqarfiup ataani inissisimasut ataaniilluni.
Kalaallit Nunaanni Pinerluttunik Isumaginnittut ulluinnarni suliffeqarfittut namminersortutut sulipput, sullissinerup annersaannut pisinnaatitaaffeqarluni. Kalaallit Nunaanni Pinerluttunik Isumaginnittut aqutsisui pinerluttulerinermik inatsit naapertorlugu amerlasuutigut pineqaatissiissutit naammassinissaannut maleruagassiornissaminnut pisinnaatitaapput kiisalu nalunaarutinik suliaqarsinnaallutik.
Kalaallit Nunaanni Pinerluttunik Isumaginnittut Kalaallit Nunaanni Pinerluttunik Isumaginnittunut pisortamit aqunneqarput pineqaatissiissutit naammassinissaannut isumannaatsuunissaannullu pisortaq inuiaqatigiinnullu akuulersitseqqinnissamut pisortaq suleqatigalugit.
