Pinerluuteqarsimasunik Isumaginnittoqarfiup whistleblowereqarnermik aaqqissuussinermik atuilernera periarfissiivoq pinerluuteqarsimasunik isumaginnittoqarfimmi inatsisinik unioqqtitsilluni imaluunniit asuliinnaanngitsunik pissusissaanngitsunik iliortoqartillugu paasissutissanik apuussisinnaalernermik. Aaqqissuussineq sulisunit tamanit aammalu suliffeqarfinnit suleqatigisartakkanit atorneqarsinnaavoq.
Pinerluuteqarsimasunik Isumaginnittoqarfiup whistleblowereqarnermik atuilernera periarfissiivoq atermik isertuusilluni paasissutissanik pissutsinik uparuartarialinnik pinerluuteqarsimasunik isumaginnittoqarfiup iluani arlaannaanulluunniit attuumassuteqanngitsumut nalunaaruteqarsinnaalernermik, tassanngaanniillu misissorneqartartussamik.
Whistlebloweri atorneqarsinnaavoq paasisaqaraanni soorlu nipangiussisussaanermik unioqqutitsisoqartoq imaluunniit aningaasanik atugassanik atornerluisoqartillugu pisoq kimulluunniit oqaatigisinnaannagu misigisimagaanni – imaluunniit atermik isertuusilluni paasissutissanik ingerlatitseqqikkusukkaanni.
Nalunaaruteqarneq qanoq pineqassava?
Pinerluuteqarsimasunik Isumaginnittoqarfimmi whistleblowereqarneq kikkunnilluunniit sumiluunniit pinerluuteqarsimasunik isumaginnittoqarfimmi sulisunit atorneqarsinnaavoq. Aaqqissuussineq aamma kikkunnilluunnniit pinerluuteqarsimasunik isumaginnittoqarfiup suleqatigisartagaannit atorneqarsinnaavoq.
Whistleblowereqarfimmut nalunaaruteqarnerit it-mik suliffeqarfik pinerluuteqarsimasunik isumaginnittoqarfiup avataaniittoq aqqutigalugu pisassaaq, it-mik suliffeqarfiup taava ingerlaannartumik nalunaarut allaffeqarfimmut ingerlateqqissavaa – tassa Koncernledelse aamma Kommunikationimut Pinerluuteqarsimasunik Isumaginnittoqarfiup Pisortaqarfianiittumut.
Allaffeqarfiup nalunaarut tiguguniuk nalileqqaassavaa pineqartoq suliassatut tigussallugu pissutissaqarnersoq. Paasissutissanik amerlanerusunik pisariaqartitsisoqarpat allafeqarfiup whistlebloweri apeqquteqarfigsinnaavaa it-mik suliffeqarfik aqqutigalugu. Aamma taamaappoq aterminik isertuusilluni nalunaaruteqartumut tassa it-mik suliffeqarfiup whistlebloweritut nalunaaruteqartoq ilisarnaateqartittussaammagu aammalu taamaalilluni attavigineqarnissamut paasissutissanik tunniussinissaa pisariaqarani. Whistlelroweritut nalunaartup taamaalilluni kinaassutsini isertuussinnaavaa, iseqqikkuni nalunaarutinilu itisilerlugu pineqartoq suli pingaartikkuniuk nalunaaruteqarsinnaalluni.
Nalunaarutigineqartoq misissuiffigineqartariaqarsorineqarpat aammalu suliffimmi ileqqussanik unioqqutitsisutut nalileqqittariaqarluni kinguneqatitsivigisariaqartutut isummerfigineqarpat imaluunniit politiinut unnerluutigineqartariaqassappat taava nalunaarutiginninneq pinerluuteqarsimasunik isumaginnitoqarfimmi nalunaarummik suliaqaqqissalluni tulluartumut pisortaasumut ingerlateqqinneqassaaq.
Nalunaarut imaaliorlutit nassiutissavat
Nalunaarutiginiakkat ugguuna attaveqaatikkut nassiussinnaavat: https://wb.jm.dk/#/
Aamma e-mail atorlugu nassiussisoqarsinnaavoq uunga: whistlebrower@krfo.dk
Imaluunniit allakkatigut uunga:
Pinerluuteqarsimasunik Isumaginnittoqarfik atsiorlugu(att.) Lars Aarud Krogh
Strandgade 100
1401 København K
Atuagaqaqqissinnaavutit
Inatsiseqarnermut Ministereqarfiup susassaqarfiini whistlebrowerqarnermi malittarisassat: Link
Pinerluuteqarsimasunik Isumaginnittoqarfiup whistlebrowereqarnermik aaqqissuussiffigineqarnerani killigeqqusat ingerlanissaanillu allaatigisat: Link
Grafik: Link – grafik over sagsgang